Tuesday, December 20, 2016

මාරක මල

( මෙම සත්‍ය සිදුවීම කෙටියෙන්  පැවසිය නොහැකි බැවින් කොටස් වශයෙන් කියවන්න -අති දුෂ්කර අත් දැකීමක් මිස අතිශෝක්තියක් නොවන බව කරුණාවෙන් සලකන්න)
මේ සිදුවීම සිදුවන අවධියේ මා දැරණියගල දිස්ත්‍රික් වෛද්‍ය නිලධාරියා ලෙස කටයුතු කරමින් සිටියෙමි. ඉතා දුෂ්කර ගමනාන්තයක පිහිටි මෙම රෝහලේ සේවය කලේ මාත් ඇතුළුව වෛද්‍යවරුන් සිව් දෙනෙකු පමණක් වන අතර අප වෛද්‍ය හිඟයට මුහුණ දුන්නේ සේවා මුර ක්‍රමයට රාජකාරී කිරීමෙනි.
දින කිහිපයක් එක දිගට වැඩමුර තුනක් පමණ නිමකර සිටි මම  මෙදින පස්වරු 2 ට මගේ සේවා මුරය නිමකර සවස දෙකේ බස් එකෙන් කොළඹ පැමිණීමේ අපේක්ෂාවෙන් ඊළඟට වැඩ මුරය භාර ගැනීමට පැමිණෙන වෛද්‍යවරයා අපේක්ෂාවෙන් ඕ. පී. ඩී එකේ සවස් භාගයේ එකතු වූ රෝගීන් කිහිප දෙනා පරීක්ෂා කරමින් සිටියෙමි.
හරියටම් වෙලාව පස්වරු එකට පමණ වෙන්න ඇති. ඉතා තරබාරු තරුණ මවක් මහා හයියෙන් විලාප දෙමින් මාස 10 ක් පමණ වූ කුඩා දරුවෙක් වඩාගෙන ඕ. පී. ඩී එකට පැමිණියාය. දරුවාගේ ඇස් උඩගොස් තිබුන අතර ගොර ගොර සද්දෙන් හුස්ම ගනිමින් සිටියේ ය.
ටෙනිස් මලක හැඩය ගත් කුඩා ප්ලාස්ටික් මලක් දරුවාට ගිලී තිබූන අතර දරුවා හුස්ම ගන්න වාරයක් වාරයක් පාසා ෂටලයක් ආකාරයෙන් ප්ලාස්ටික් මල දරුවාගේ උගුර වෙත ඇදී ගොස් ඔහුගේ  හුස්ම හිර කරමින් තිබුණි. හුස්ම ඉහලට අදින සෑම වාරයක් පාසාම දරුවාගේ ඇස් උඩ යමින් ඇස් වලින් කඳුළු පනියි.
වෙද නලාව  කරේ දමා ගෙන  සිටි මා එක වරම දරුවා මගේ දෝතට ගෙන මුනින් හරවා දරුවාගේ කට ඇතුලට මගේ දකුණු අතේ මහපට ඇඟිල්ල ඇතුල් කලෙමි. ඒ වනවිට දත් නොවැඩී තිබු කුඩා දරුවා තම උඩු හනුවට හා යටි හනුවට මගේ දබරඇඟිල්ල තදින් තද කල විට මට තරු පෙනෙන වේදනාවක් දැනුනත් මගේ ඇඟිල්ල එලියට නොගත්තේ, ඒ සමගම මා අමන්දානන්දයට පත් කරමින් මේ පස් පෙති මලේ එක පෙත්තක් දරුවාගේ ඇතුල් කම්මුල හා මගේ දබර ඇඟිල්ල අතරට හසුකර ගැනීමට මට හැකිවූ හෙයිනි.
අධික ලෙස වෑස්සෙන කෙල නිසා ප්ලාස්ටික් මල්පෙති  ලිස්සා යන බැවින් මගේ තනි  ඇඟිල්ලෙන් සම්පුර්ණ මල එලියට ගත නොහැකි විය. මෙහිදී මට එක්වරම සිහියට ආවේ මගේ ගුරු මහාචාර්ය ෂෙරීෆ්ඩීන් මැතිදුන්ගේ අවවාදයකි. “ ජීවිත අවදානම වැඩිවන ආකාරයේ නොකළයුතු දේවල් පළමුවෙන් සිතා ඒවා නොකර ඉන්න” 

ඇතුල් කම්මුලට මල තද කරගෙන සිටින තාක් දරුවා හොඳින් හුස්ම ගන්නා දරුවාගේ AIR WAY  පාලනය මගේ දබර ඇඟිල්ලට ගෙන තිබු  බැවින් ෆෝසේප් හෝ වෙනත් අඬු බඩු දමා දරුවා කලබල කර ඔහුගේ ජීවිතය අවදානමට ලක් නොකිරීමට මම වග බලා ගත්තෙමි. ආරක්ෂිතව මල ඉවත් කරණ ක්‍රමයක් කල්පනා වෙන තුරු හෝ එවන් සහයක් ලැබෙන තුරු දරුවාගේ මුවින් එලියට මගේ දබර ඇඟිල්ල නොගන්නේමයි යන අධිෂ්ඨානයෙන් එම ඉරියව්වෙන්ම දරුවාව මගේ පපුවට තුරුළු කරගෙන ඊළඟ විධානය මම ළඟ සිටි සාත්තු සේවකයාට දුන්නෙමි. (මතු සම්බන්ධයි )


8 comments:

  1. kakul deken ussala oluwa path karala .... pitata dekak dunna nama oka wenawa neda.. mama oka kara 4 years podi ekekuta .. ekath bolayak gilala...

    ReplyDelete
    Replies
    1. 8months lamayawaa a wage mata control karaganna beri unaa

      Delete
    2. 8months lamayawaa a wage mata control karaganna beri unaa

      Delete
  2. /////ටෙනිස් මලක හැඩය ගත් කුඩා ප්ලාස්ටික් මලක් ////////

    මේ ලියන්න උත්සාහ කරේ බැඩ්මින්ටන් ශට්ල්කොක් කියන අර්තයෙන් වෙන්න ඇති නේද...

    ReplyDelete
  3. ඊලඟ කොටස එනකම් බලාගෙන ඉන්නවා

    ReplyDelete
  4. ඊළඟ කොටසත් බලන්නම වෙනවා. කොහොම වුණත් ඔබ තුමා මේ පොඩ්ඩාව බේරගන්න දැඩි වෙහෙසක් ගන්න ඇති.

    ජයවේවා!!!

    ReplyDelete
  5. කඩු ගිලින හැටි උගන්වන ටීවී වැඩ සටහන ගැන කතාව සිහිවුණා. එලියට ගන්නා හැටි ලබන සතියේ

    ReplyDelete